Ішкі істер вице-министрі Санжар Әділов Алматы облысында мектеп бітіруші түлектің өліміне қатысты пікір білдірді, деп хабарлайды KYN.KZ ақпарат агенттігі.

Әділов күдікті қамауға алынып, мектеп директоры қызметінен босатылғанын мәлімдеді.

«Тергеу тобы жұмыс істеп жатыр. Оқиғаның себеп-салдарын жою туралы ұйғарым енгізілді. Мектеп директоры қызметінен босатылды. Оқу ісінің меңгерушісі мен екі сынып жетекшісіне қатаң жаза қолданылды. Барлық мән-жай тергеу барысында анықталады», – деді ол.

Айта кетсек, Алматы облысында мектеп оқушысы сыныптасын өлтірді деген күдікке ілінді. Оның үстінен қылмыстық іс қозғалды. Қайғылы жағдай мектеп бітіру кеші кезінде болған. Кеш барысында екі сыныптас арасында жанжал туындап, оның бірінде бірі екіншісіне шампур сұғып алған.