Қызыл кітаптағы қызғалдақтармен суретке түскен ауыл әкімі жауапкершіліктен босатылды, деп хабарлайды KYN.KZ ақпарат агенттігі.

Сот бұл істен құқықбұзушылық анықтамады.

Судьяның айтуынша, полиция оқиға орнын нақтыламаған, ал іс материалдарында құқықбұзушылық фактісін растайтын дәлелдер жоқ. Істе тек фотосурет болған, ал құқық қорғау органдары оқиға орнына мүлде бармаған. Нәтижесінде, сот полиция департаментіне жеке қаулы шығарды.

mgorod.kz сайтының мәліметінше, сотта гүлдерге сараптама жасалмағаны және олардың сирек кездесетін өсімдік екені дәлелденбегені анықталды. Қазақстандағы Ботаника институты да бұл өсімдіктердің «ерекше қорғалатынын» растамаған.