«Қазгидромет» РМК шілде айының соңғы күндеріне арналған ауа райы болжамын жасады, деп хабарлайды KYN.KZ ақпарат агенттігі.

Шілде айының соңғы күндерінде елімізде тұрақсыз ауа райы сақталады.

«Ауа райы тұрақсыз болады: жаңбыр жауады, кей жерлерде найзағай мен бұршақ күтіледі. Солтүстік, солтүстік-батыс және орталық өңірлерде, сондай-ақ оңтүстік-шығыстың таулы аудандарында қатты жаңбыр мен екпінді жел болжанады. Республика бойынша желдің күшеюі күтіледі, ал оңтүстік облыстарда шаңды дауылмен қатар жүруі мүмкін.

Солтүстік өңірлерде ауа температурасы +18…+23 °C дейін төмендейді. Қалған аумақта ауа температурасы айтарлықтай өзгермейді деп болжанып отыр», – делінген синоптиктер болжамында.