Алматы облысында пойыз жолына шығып кеткен ер адам қаза тапты, деп хабарлайды KYN.KZ ақпарат агенттігі.

Оқиға Алматы облысындағы Қарабұлақ – Тентек станцияларында болған. Ер адам пойыз жолына шығып кеткен. Машинист та пойызды дер кезінде тоқтатып үлгермеген.

«6 тамызда сағат 19-52-де Қарабұлақ – Тентек аралығында машинист бөгде адамның темір жолға кенеттен шыға келуіне байланысты шұғыл тежеуді қолданды. Қашықтықтың қысқа болуына байланысты адам қағудың алдын алу мүмкін болмады», –делінген хабарламада.

«Қазақстан темір жолы» компаниясы темір жолға жақын жерде қауіпсіздік ережелерін сақтауға шақырды.