Threads желісінде ұлтаралық араздықты қоздырғаны үшін қамауға алынған қарағандылық қыздың бостандықта жүргені туралы ақпарат тарады. Бұған қатысты полиция жауап берді, деп хабарлайды KYN.KZ ақпарат агенттігі.

Қарағанды облысының полиция департаменті қарағандылық күдіктіге қатысты желіде тараған ақпарат шындыққа жанаспайтынын мәлімдеді.

"Күдікті уақытша ұстау изоляторында жатыр, оған қатысты сотқа дейінгі тергеу амалдары жүргізілуде", – делінген облыстық полиция департаментінің баспасөз қызметі таратқан хабарламада.

Қазіргі уақытта жалған ақпарат таратқан адамдар анықталып жатыр.