Алматы әуежайында ер адам өзін бауыздап жібермекші болды, деп хабарлайды KYN.KZ ақпарат агенттігі. 

Әуежайдың баспасөз қызметінің мәліметінше, ішкі рейстер терминалында Астанаға ұшпақшы болған жолаушы дәретханада өзінің мойнын кеспекші болған. Видео әлеуметтік желіде тарап кетті.

"Ішкі Т1 терминалында жолаушы дәретхана бөлмесінде өзіне зиян келтірмек болған. Жағдайды дереу байқаған әуежай қызметкерлері дереу медициналық қызметке хабарласқан. Жедел жәрдем бригадасы келгенше жолаушыға дер кезінде алғашқы медициналық көмек көрсетілді", – делінген хабарламада. 

Полиция өзіне қол жұмсауға талпыну дерегі бойынша қылмыстық іс қозғады. 

Ер адам Алматы – Астана бағытындағы рейске ертерек келіп, тіркеуден және тексеруден өткен. Содан кейін ол ұшаққа отырғызуды күтіп отырған. Бірақ белгісіз себептермен ол ұшаққа мінбеген. Шамамен төрт сағат бойы күту залында отырып, одан кейін дәретханада өзіне қол салуға ұмтылған.

Ер адамның мұндай әрекетке не себепті барғаны әзірге белгісіз.

Еске салсақ, бұған дейін Алматы әуежайында ер адам өзін өртеп жібермек болған еді.