Елімізде мектеп пен колледждерде антибуллингтік бағдарлама енгізілуде.
Оқу-ағарту министрлігі буллинг үшін әкімшілік жауапкершілік қарастырылғанын мәлімдеді, деп хабарлайды KYN.KZ ақпарат агенттігі.

Оқу-ағарту министрлігі 1 қыркүйектен бастап балалардың құқықтарын қорғау саласына енгізілген өзгерістер тізімін жариялады.

Білім ордаларында «ДосболLIKE» атты антибуллингтік бағдарлама енгізіліп, ппталық жеке қауіпсіздік сабақтары қайта жүргізіледі. Буллинг ұйымдастырғаны үшін айыппұл тағайындалды. Оның мөлшері – 10 АЕК; қайталанған жағдайда – 30 АЕК.

Сондай-ақ енді қоғамдық көліктен балаларды түсіріп тастауға тыйым салынады.

«Қоғамдық көліктен балаларды түсіруге тыйым енгізілді. Автобус жүргізушілеріне 16 жасқа толмаған балаларды ересектердің еріп жүруінсіз түсіруге болмайды. Бұзушылық әкімшілік жауапкершілікке әкеп соғады», – делінген хабарламада.