Мәжіліс депутаты Бақытжан Базарбек өзінің көп жұмыс істеп жүргенін және атқарған еңбегін 20 миллион теңгеге бағалады, деп хабарлайды KYN.KZ ақпарат агенттігі.

Президент Жолдауынан кейін кулуарда жиналған журналистер депутаттардан бір палаталы Парламент құру жайлы пікірлерін білді. Мәжіліс депутаты Бақытжан Базарбек бұл реформадан тек артықшылық көретінін жеткізді.

Бұдан басқа парламент мүшелерінің жалақысын көтеруге қатысты пікір білдірді. Тек өзіне қатысты жауап берді.

“Өз басым қызметімді атқарып жүрмін және жеке өзімнің ойымша, менің жалақым кем дегенде 20 миллион болуы керек. Өйткені мен 20 миллионға татитын жұмысты атқарып жүрмін”, – деді Бақытжан Базарбек.