Бүгін Семей қаласы әкімдігінің қолдауымен «JAŃAMEN» жобасы ашық аспан астында жаттығу өткізді. Жоба артық салмақтан арылуға ғана емес, денсаулықты нығайтып, эмоциялық тепе-теңдікті қалпына келтіруге және жаңа өмір сапасын қалыптастыруға бағытталған бағдарлама.

Осыған орай «JAŃAMEN» жобасы 2022 жылдан салауатты өмір салты жөніндегі білім деңгейін арттыруға бағытталған жобаны жүзеге асырып келеді. Осы уақыт ішінде жоба аясында еліміздің түкпір-түкпірінен 200-ден астам қатысушы қамтылып, тұрақты іс-шаралар мен ағартушылық бағдарламалар өткізілді және жергілікті қауымдастықтармен тығыз байланыс орнатылды.

«Салауатты ұлт — өзіңнен басталады» республикалық жобасы аясында 2025 жылғы 8–15 қыркүйек аралығында сауықтыру туры басталды. 

Семей тұрғындары қатысып, өз белсенділіктерін көрсетті.