Ақтаулық косметолог Сарвиноз Фазылова өзінің зорланғанын және оны бопсалағанын  жария етті, деп хабаралайды KYN.KZ ақпарат агенттігі.

Айтуынша, Рамазан есімді ер адам оны бірнеше сағат бойы қорлап, әрекетін бейнежазбаға түсірген.

Фазылова  дәрілердің әсерінен әлсіреп, қарсылық көрсетуге қауқарсыз күйде болған.

“Рамазан мені күштеп шешіндірді. Содан тізерлетіп видеоға түсірді. Ол бұрынғы жігітімнен кешірім сұрауды талап етті. Мен жалаңаш күйімде тізерлеп тұрып, кешірім сұрадым. Ол шамамен төрт сағат бойы қинады. Аяғымдағы жарақаттардан қалған тыртықтар әлі күнге дейін бар. Соңында зорлап, "Егер, полицияға барсаң, видеоны блогерлерге беремін" деп қорқытты”, – дейді ол.

Ол полицияға арызданғаннан кейін әлеуметтік желілерде түрлі блогерлер оның жеке суреттерін жариялай бастаған. Оны "жезөкше" деп атаған.

Қазіргі таңда бұл іс қайта тергеліп жатыр. Фазылованың өзіне қатысты да бірнеше қылмыстық іс қозғалған. Тергеу органдары оған “жала жабу” және “қасақана жалған арыз беру” баптары бойынша айып таққан.