Павлодар облысының қылмыстық істер жөніндегі мамандандырылған ауданаралық сотына екі баласын терезеден лақтырып жіберген әйелге қатысты қылмыстық іс материалдары түсті, деп хабарлайды KYN.KZ  ақпарат агенттігі.

Павлодар облыстық сотының мәліметінше, алғашқы отырыс 2025 жылдың 5 қарашасына белгіленді..

Сотқа баспасөз өкілдерінің қатысуына тыйым салынды, себебі қылмыстық іс жабық түрде қаралады.

Еске салсақ, 30 шілдеде Павлодарда 34 жастар шамасындағы әйел екі баласын терезеден лақтырып, артынан өзі де секіріп кеткен болатын. Алдын ала мәліметтер бойынша, әйел арнайы медициналық мекемеде тіркеуде тұрған.

1 тамыз кешке жарақат алған кіші ұлдың жүрегі тоқтап қалған. Кейін полиция оқиға бойынша қылмыстық іс қозғады. 

Аман қалған жеті жастағы бала қазір Екібастұз ауданындағы ауылда туысқандарының үйінде тұрып жатыр. Ол бір жыл бойы оңалтудан өтуге тиіс.