Қарағанды облысындағы Шешенкара–Қаражанғыл аралық өткелінде жүк пойызы төрт теміржолшыны басып кетті. Салдарынан төртеуі де қаза тапты, деп хабарлайды KYN.KZ ақпарат агенттігі.

Оқиға 10 желтоқсанда сағат 17:15-те болды. Шешенкара–Қаражанғыл аралық өткелінде жүк пойызы жоспарлы жұмыстарды орындап жатқан жолшылар бригадасымен соқтығысқан.

ҚТЖ мәліметінше, қауіпсіздік шараларының сақталғанына және машинистің шұғыл тежеу жасағанына қарамастан, қайғылы оқиғаны болдырмау мүмкін болмаған — төрт жұмысшы көз жұмды.

Оқиғаның мән-жайын анықтау үшін арнайы комиссия құрылып, жұмысқа кірісті.

ҚТЖ басшылығы қаза тапқандардың отбасыларына көңіл айтып, қажетті қолдау көрсетілетінін хабарлады.