Алматыда тұрғын үй кешенінде жетінші қабаттан құлап қайтыс болған 22 жастағы Ақнәр Хамиттің өліміне қатысты іс әлі де соңына жетпеді. Марқұмның анасы тағы да үндеу жасады, деп хабарлайды KYN.KZ ақпарат агенттігі.

Бұл туралы Гүлстан Хамит журналист Жанар Байсемізге сұхбат беріп, із созылып кеткенін айтты.

"Қызымның өліміне байланысты бір жарым жылдан бері қарай әділет іздеп, шарқ ұрып жүрген анамын. Бармаған есігім, жазбаған шағымым, көріспеген адамым қалмады. Бірақ күні бүгінге дейін іс созбалаңға салынып келеді. ...Қызымның бас бармағы түбімен жұлынған. Денесінде қылғындырған із бар. Білегін тістеген. Үлкен дене жарақаттары болған", - дейді ол.

Ол қызының кісі қолынан қаза тапқанын айтады.

"Маған қызымның ар-ожданын ақтап алу керек. Ол өз-өзін өлтірген жоқ, кісі қолынан кетті. Ап-анық көрініп тұр", - деді ол.