Ақмола облысында еркін жыныстық қатынастарды насихаттап келген діни топ ұсталды. Бұл туралы ІІМ мәлімдеді, деп хабарлайды KYN.KZ ақпарат агенттігі.

Ішкі істер министрлігі Қазақстанның бірнеше өңірінде «STOP-трафик» науқанын өткізу барысыенда, Ақмола облысында бірнеше діни топтың заңсыз әрекеті әшкере болған.

Бұл топтар «рухани орталықтың» кейпін жамылып, адамдарды азғындыққа шақырған.

«Аталмыш топ еркін жыныстық қатынастарды және отбасылық құндылықтардан бас тартуды насихаттайтын «рухани орталық» ұйымдастырған. Тінту барысында діни әдебиеттер, атрибуттар мен ритуалдық заттар табылды. Қажетті сараптамалар тағайындалып, тергеу басталды», - деп хабарлайды Ішкі істер министрлігі.