Танымал режиссер Ақан Сатаевтың екінші әйелі Альмира Тұрсын өзін балағаттағандарды сотқа беретінін мәлімдеді, деп хабарлайды KYN.KZ ақпарат агенттігі.

Бұл туралы желідегі парақшасында жазды.

"Бұл блогта мен өз қызметім мен қызығушылықтарым туралы бөлісемін: коучинг, кәсіби бағдар, психология, эзотерика, шығармашылықтың кейбір қырлары, жүзеге асырып жатқан жобаларым, оқып жүрген кітаптарым, баратын орындарым, мені шабыттандыратын дүниелер туралы айтамын.

Жеке өмірім емес — тек ойы бір, қызығушылығы ортақ адамдарға пайдалы әрі қызықты болуы мүмкін тақырыптар ғана. Білім, мәдениет, кітаптар, музыка, кино, шығармашылықтың түрлі көріністері, даму мен заманауи тенденциялар, ата-ана болу, ана болу, өмір, мәңгілік құндылықтар туралы тақырыптарды ашық талқылауға дайынмын. Welcome! Ал сырт келбетіме, жеке өміріме қатысты ешкім сұрамаған пікір мен «ақыл-кеңес» бергісі келетіндерді елемеймін және блоктаймын. Себебі — шекара бар, субординация бар», - деп ренішін білдірді актриса.

Ол өзінің көбіне үндемей отырғанын әлсіздік деп қабылдамауға шақырды.

«Әсіресе уытты, дөрекі жазбалар қалдыратын, фейк аккаунттар арқылы қорлайтын және «ештеңе болмайды» деп ойлайтындарға айтарым: бәрі тіркеледі, скриншоттар жасалады. Қажет болған жағдайда ар-намыс, қадір-қасиет және іскерлік беделді қорғау туралы баптар бойынша, сондай-ақ интернетте жалған әрі қорлайтын ақпарат таратқаны үшін сотқа жүгінуге болады. Айта кетейін: анонимді немесе фейк аккаунттарды пайдаланған күннің өзінде, сот процесі аясында (соның ішінде тіркеу және техникалық деректер арқылы) жазба авторының жеке басын анықтауға толық мүмкіндік бар. Өйткені пікір білдіру еркіндігі төмендегілер үшін жауапкершіліктен босатпайды: – жалған ақпарат тарату; – ар-намыс пен қадір-қасиетті қорлау; – қоғамдық кеңістікте тіл тигізу. Мұндай әрекеттер үшін заңда: әкімшілік жауапкершілік, азаматтық-құқықтық жауапкершілік, моральдық зиянды өтеу, сот шығындарын өндіру, ақпаратты теріске шығару міндеті қарастырылған.

Сондықтан менің үндемей отырғанымды әлсіздік деп қабылдамаңыздар және сөз бен іс үшін заң алдындағы жауапкершілікті ұмытпаңыздар. Ал жалпы — парақшама қош келдіңіздер, өздеріңізді үйдегідей сезініңіздер, бірақ қонақта екендеріңізді естен шығармаңыздар», - деп жазды Альмира.