Енді 14 жасқа дейінгі балалар кейбір әлеуметтік желіге тіркеле алмауы мүмкін. Оқу-ағарту министрлігі «зиян контенттен баламызды қалай арашалаймыз» деген мәселенің шешімін тауып қойыпты, деп хабарлайды KYN.KZ ақпарат агенттігі КТК жаңалықтарына сілтеме жасап.

Жауапты сала мамандары әлеуметтік желіге тіркелу енді тек баланың өз СИМ-картасы арқылы жүргізілетін болады дейді. Өз ұялы телефоны мен дербес нөмірімен тіркелген кезде кейбір әлеуметтік желіге тосқауыл қойылады. Яғни тек жасына сай контент көрсетіледі. Ал үлкендердің телефонынан кірген жағдайда мұндай шектеу іске аспай қалады. Сондықтан оқу-ағарту министрлігі өзге де министрлік өкілдерімен сұрақты барынша пысықтауда.

Сала басшысы Жұлдыз Сүлейменова мәселені жан-жақты қарап, ата-аналар, оқытушылар мен жеткіншектерден тұратын үштік пікірі міндетті түрде ескерілетінін айтты.