Бұл жоба Қазақстан Республикасының Үкіметі мен UNICEF арасындағы ынтымақтастық бағдарламасының ірі бөлігі болып саналады. Оның шеңберінде Қазақстанның интернеттегі балаларға қарсы қылмыстарды анықтау, тергеп-тексеру және алдын алуына толық бағалау жүзеге асырылады.

Халықаралық сарапшылармен жуырдағы кездесу барысында:

- заңнаманы мен құқық қолдану практикасын қалай жақсарту;

- заманауи цифрлық сын-қауіптертер жағдайында тиімді жұмыс үшін құқық қорғау органдарына мамандарды қалай даярлау;

- онлайн қылмыстарды тергеп-тексеру, цифрлық дәлелдемелермен жұмыс істеуге және балаға қолайлы тәсілді қолдануға ерекше назар аударылды.

Құқық қорғау органдары академиясы сарапшылық үлес қоса отырып, жобаны іске асыруға және балаларды онлайн-жыныстық пайдалануға және зорлық-зомбылықтың алдын алу мен ден ден қою жөніндегі жүйенің қолданыстағы тәсілдері мен қажеттіліктерін талқылауға белсенді қатысады. Арнайы әзірленген оқу-әдістемелік материалдар Академияның білім беру бағдарламасына енгізілетін болады.

Жоба нәтижелері Қазақстандағы балалардың құқықтарын қорғау жүйесін нығайту және интернеттегі балаларға қарсы қылмыстарға қарсы іс-қимылдың тиімділігін арттыру үшін пайдаланылады деп күтілуде.

 ЮНИСЕФ – әлемнің 190-нан астам елінде әрбір баланың құқықтары мен әл-ауқатын қамтамасыз ету мақсатында қызметін жүзеге асыратын БҰҰ Балалар қоры.