Моңғолияда  530 үй жаңбыр суының астында қалып қойған.  Оқиға  қазақ көп қоныстанған Баян-Өлгий аймағанда орын алған. Ақпаратқа сәйкес, 2512 адам баспанасыз қалып отыр. Қазіргі кезде олар тұрғын аймақтағы балабақша мен мектептердің ғимаратына орналастырылуда. Жұмысын бастаған арнайы комиссияның қорытындысына сәйкес, көптеген отбасының үйлері тұруға жарамсыз деп танылды.  Апат салдарын жою жұмыстары жан-жақты жүргізіліп жатыр. Ал елдің төтенше жағдайлар жөніндегі комитеті табиғат апатының шығындарын есептеп, баспанасыз қалғандарға көмектесуде.