Сот 6 жылға бас бостандығынан айырылған ШҚО әкімінің бұрынғы бірінші орынбасары Жақсылық Омарға шыққан үкімді түсіндірді, деп хабарлайды KYN.KZ ақпарат агенттігі.

Бұл туралы Шығыс Қазақстан облысы соттарының Facebook-тегі ресми парақшасында жарияланған.

Өскемен қаласының қылмыстық істер жөніндегі мамандандырылған ауданаралық сотында ҚР ҚК-нің 190-бабы 3-бөлігінің 1), 2) тармақтары және 366-бабы 3-бөлігінің 3) тармағы (алаяқтық және пара алу) бойынша айыпталған тұлғаға қатысты қылмыстық іс қаралған.

Соттың мәлімдетінше, сотталушының әрекеттері ауыр сыбайлас жемқорлық қылмыстары санатына жатады. Жауаптылықты ауырлататын мән-жай – антты бұзу.

Сот істің барлық мән-жайын ескере отырып, сотталушыны кінәлі деп танып, мүлкін тәркілеумен қатар 6 жылға бас бостандығынан айыру жазасын тағайындаған.

Сондай-ақ ол өмір бойына мемлекеттік қызметте жұмыс істеу құқығынан айырылды. Үкім заңды күшіне енген жоқ.