Алматыда күтілетін нөсер жаңбырларға байланысты коммуналдық қызметтер күшейтілген дайындық режиміне көшірілді, деп хабарлайды KYN.KZ ақпарат агенттігі.

Синоптиктердің болжамына сәйкес, 23 сәуір күні сағат 15:00-ден бастап Алматыда жауын-шашын күтіледі, ал 17:00-ден кейін кей уақыттарда желдің екпіні секундына 15–18 метрге дейін жететін қатты жаңбыр жауады.

24 сәуірде де жаңбыр жауады, кей жерлерде нөсер жаңбыр мен найзағай күтіледі. 25 сәуірде ауа райы құбылмалы бұлтты болып, қысқа мерзімді жауын-шашын болжанады.

Мүмкін болатын су басудың алдын алу және жедел жою мақсатында қалалық қызметтер тәулік бойы кезекшілік ұйымдастырды.

Қосымша түрде Алматы қаласының құтқару қызметі мен Төтенше жағдайлар департаментінің бөлімшелері кезекшілік атқаруда. Жалпы қала бойынша тәулігіне 2,7 мыңнан астам жол жұмысшысы және 1,2 мыңнан астам техника жұмылдырылған.