Атырау облыстық мамандандырылған ауданаралық қылмыстық сотында бір отбасының төрт мүшесін өлтіру туралы атышулы сот отырысы жалғасып жатыр. Айыпталушы Сұлтан Сәрсемәлиев қылмыс жасағаннан кейін кешірім сұрау үшін Меккеге барған деп хабарлайды KYN.KZ  ақпарат агенттігі.

Тыңдау барысында сотталушы қылмыстан кейін елден кетіп, Түркияға, содан кейін Меккеге баруды шешкенін айтты.

"Мен Түркияға қашуды шештім. Жасырынуға тырыспадым, тек Құдайдан кешірім сұрағым келді. Мен не істегенімді түсіндім. 10 қарашадан кейін Түркия арқылы Меккеге сапар шектім. Он күндей жалғыз сол жерде болдым. Мен сол жерде өз-өзіне қол жұмсауды ойладым, себебі менің не істегенімді Құдайдан басқа ешкім түсіне алмайды деп сендім. Бірақ мен олардың кінәлі екеніне де сенемін,мен оларды себепсіз өлтірген жоқпын ғой", – деді Сәрсемәлиев сотта.

Ол әйелі Ақбаянды жалғыз қалдырғысы келмеген. Сол себептен өзімен бірге алып кеткен.

Алғашқыда Ташкентке барған. Бірақ ол жақты қымбат деп, Түркияға көшуді ойлапты. Бірақ соңында Балиді таңдаған.

Ол әлеуметтік желі арқылы барлығын бақылап отырған.