Алматы Полиция департаменті "Қыздар.нет" атышулы сайтының ұйымдастырушыларынан қандай мүлік табылғанын мәлімдеді, деп хабарлайды KYN.KZ ақпарат агенттігі.

Күдіктілердің атына шағын және орта бизнес саласындағы 8 компания, Алматы мен Алматы облысының аумағында құны қымбат мүліктер тіркелгені анықталды.

Олардың ішінде:

• 5 пәтер,
• 6 коммерциялық нысан,
• 6 коттедж,
• 10 жер телімі,
• 6 көлік тұрағы,
• 11 люкс класындағы автомобиль бар.

"Қылмыстық жолмен алынған мүлікті тәркілеуді қамтамасыз ету және оның заңдастырылу белгілерін анықтау мақсатында күдіктілер мен оларға қатысы бар компаниялардың мүлкіне қатысты мәмілелер тоқтатылды. Аталған мүлікке шектеу қойылды", – деп хабарлады Алматы ПД.

Айта кетсек, 15 маусымда"Қыздар.нет" сайтының ұйымдастырушылары ұсталғаны хабарланды.