Ер адам оқушы қызды ертіп, бір күн бойы азаптағаны туралы ақпарат тарады.
Солтүстік Қазақстан облысында ер адам түні бойы 13 жастағы қызды ұстап, зорлады деген күдікке ілінді, деп хабарлайды KYN.KZ ақпарат агенттігі.
Halyqstan Telegram арнасының мәліметінше, оқиға 1 шілде күні Солтүстік Қазақстан облысының Айыртау ауданында болған.
Кешкі уақытта 13 жастағы қыз дүкеннен шыққан сәтте көрші ауылдың тұрғыны мотоциклмен келіп, серуендеуге шақырған. Қыз келіскен. Содан кейін қыз үйіне оралмаған.
Жергілікті тұрғындардың айтуынша, ауыл адамдары болып қызды түні бойы іздеген. Келесі күні таңертең елді мекеннен тыс жерден тапқан.
Бұл ақпаратқа қатысты әзірге құқық қорғау органдары ресми түсініктеме берген жоқ.
Ұқсас жаңалықтар
