Қазақстанның басым бөлігінде аптап ыстық қайта күшейеді, деп хабарлайды KYN.KZ ақпарат агенттігі.

Синоптиктердің болжамынша, 25-27 шілде аралығында Қазақстанның басым бөлігінде жаңбыр жауып, найзағай ойнайды. Елдің шығысында нөсер жаңбыр, бұршақ, дауыл, екпінді жел болады.

Ал батыс пен солтүстік-батыс өңірлерде жауын-шашынсыз ауа райы сақталады.

Сонымен қатар еліміздің көп бөлігінде аптап ыстық қайта күшейеді.

Күндізгі ауа температурасы:

• Батыс пен солтүстік-батыста +38...+43°C;
• Солтүстікте +30...+35°C;
• Орталықта +28...+39°C;
• Оңтүстікте +36...+41°C;
• Оңтүстік-шығыста +29...+37°C;
• Солтүстік-шығыс пен шығыста +23...+32°C болады.