Қасым-Жомарт Тоқаев мәдениет және ақпарат министрі Арман Қырықбаевты қабылдады.

"Кездесу барысында мемлекет басшысы мәдениет және ақпарат министрлігі қызметінің басым бағыттарын айқындап, ведомство алдына бірқатар нақты міндет қойды", - деп хабарлайды президенттің баспасөз қызметі.

Президент келесідей міндеттерді жүктеді:

мәдениет пен креативті индустрияны одан әрі дамытуды;

тарихи-мәдени мұраны сақтап, кеңінен насихаттау жұмыстарын күшейтуді;

Қазақстан мәдениетін халықаралық аренада дәріптеуді;

отандық ақпарат кеңістігін жандандыруға, соның ішінде заң жобалау жұмысын заманауи цифрлық тәуекелдерді ескере отырып жетілдіруді;

қоғамдық келісімді нығайту жұмыстарын дәйекті түрде жалғастыру, жастардың жасампаз әлеуетін жүзеге асыруына жағдай жасау міндетін жүктеді.