Қазақстанның тұрмыстық техника нарығының жағдайын бағамдасақ, бүгінде әр үйде тоңазытқыш, кір жуғыш машина және шаңсорғыш бар. Алайда нарықта сұраныс бәсеңдеген жоқ, керісінше өсім байқалады: 2025 жылы тұрмыстық электр құралдарының бөлшек саудасы 18%-ға өсіп, 923,6 миллиард теңгеге жетті. Өсім алғашқы сатып алулар емес, үйдегі техниканы жаңа буын техникасына алмастыру есебінен артып отыр. Робот-шаңсорғыштар мен жуу функциясы бар шаңсорғыштар санатының көшбасшысы саналатын Dreame Kazakhstan компаниясының ішкі деректерінде бұл үрдіс айқын көрініс табады

Базалық техникамен қамтылу шегіне жетіп қалды

Ұлттық статистика бюросының мәліметі бойынша, қазақстандық отбасылардың 99,9%-да тоңазытқыш, 99,4%-да кір жуатын машина, 97,3%-да шаңсорғыш бар. Отбасылардың 87,6%-ында микротолқынды пеш, 52,3%-ында мұздатқыш камера бар.

Өңірлер бойынша айырмашылықтар бар, дегенмен базалық санаттар бойынша айырмашылық білінер-білінбес. Шаңсорғыштармен ең аз қамтылған өңір ретінде Ақмола облысы тіркелген және көрсеткіш 94%-ды құрады. Бұл дегеніміз, бұл санатта сұраныс алғашқы сатып алу емес, ескіні ауыстыру және жаңарту (апгрейд) есебінен қалыптасады.

Дегенмен нарық еселеп өсіп келеді

Тұрмыстық электр құралдарының бөлшек саудасы 2020 жылы 496,8 миллиард теңге болса, 2025 жылы 923,6 миллиард теңгеге жетті. Бес жыл ішінде ақшалай көлем 85,9%-ға, тек 2025 жылдың өзінде ғана 18%-ға өсті. Бұл санат азық-түлік емес тауарлар бөлшек саудасының шамамен 4,7%-на және елдің жалпы бөлшек тауар айналымының 3,3%-на тең.

Тауарлар бағасының бұл өсімге айтарлықтай әсері жоқ. Бір жыл ішінде көбінесе ыдыс жуатын машиналар (32,9%), электр шәйнектер (28,8%), мұздатқыштар (23,2%), ас үй плиталары (22,2%), кір жуғыш машиналардың (16,9%) бағасы өсті. Шаңсорғыштардың бағасы небәрі 4,1%-ға қымбаттады, яғни нарықтағы өсім айтарлықтай баяу болды.

Шаңсорғыштар санаты данамен емес, ақшалай өсуде

2026 жылғы қаңтар-маусым айларында ішкі нарықта 285,4 мың шаңсорғыш сатылды, бұл бір жыл бұрынғы көрсеткіштен 0,6%-ға аз. Данамен есептесе, іс жүзінде көлем тұрақты, ал баға индексі шамалы ғана өскен. Сонымен қатар санат ішіндегі құрылым өзгеруде: автоматтандырылған және өзіне-өзі қызмет көрсету станциялары бар құрылғылардың үлесі жалпы санатқа қарағанда жылдамырақ өсуде.

Dreame Kazakhstan деректері мұны растап отыр. 2025 жылдың қорытындысы бойынша бренд Қазақстандағы робот-шаңсорғыштар нарығының 52%-ын және жуатын тік шаңсорғыштар нарығының 54%-ын қамтып отыр. Нарыққа алғаш кірген 2023 жылы бренд сатылымы 220%-ға, келесі жылы 207%-ға өсті.

Нарық толығымен импортта отыр

2026 жылғы бірінші жартыжылдықта импорт Қазақстандағы шаңсорғыштарға деген сұраныстың 99,6%-ын қамтамасыз етті: елге 302,6 мың құрылғы әкелінді, ішкі өндіріс 1,1 мың дананы құрады. Тоңазытқыштар мен мұздатқыштар елде мүлдем шығарылмайды, жарты жыл ішінде 436,8 мың данасы импортталды. Динамика тек кір жуатын машиналарда ғана байқалады, өндіріс 3,4 есе өсіп, отандық өндірістің үлесі 11,1%-ға жетті.

Тұтынушы санаттары үшін бұл қазақстандық нарықтағы ассортимент пен жаңару қарқыны жаһандық өндірушілерге байланысты және мұнда жаңа өнімдердің пайда болу жылдамдығы ірі нарықтармен бірдей деген сөз.

Жаңа санаттар Еуропаға қарағанда Қазақстанда жылдамырақ қалыптасып келеді

IFA көрмесінде ұсынылған жаңа өнімдердің көбі бір жыл ішінде қазақстандық нарықта да біртіндеп пайда болады. Осылайша, жергілікті нарықтың дамуы қолданыстағы санаттардың сатылымын өсіру ғана емес, сонымен қатар жаңа технологиялық сценарийлердің пайда болуы есебінен де жүріп жатыр: техника анағұрлым автономды, интеллектуалды бола түсуде және пайдаланушының қолмен басқаруын барынша азайтады.

Брендтің Қазақстандағы робот-шаңсорғыштар санатындағы үлесі қазірдің өзінде 52%-ды құрайды, бұл қазақстандық тұтынушылар тұрмыстық техниканың жаңа форматтарына көшуге дайын екенін көрсетеді.

Компания туралы

Dreame Technology — 2017 жылы негізі қаланған, жоғары технологиялық құрылғыларға маманданған және бүкіл әлем бойынша пайдаланушылардың өмір сүру сапасын жақсартуға ұмтыла отырып, ақылды үй экосистемасын дамытумен айналысатын инновациялық компания.

Дереккөздер: Ұлттық статистика бюросы; Dreame Kazakhstan ішкі деректері.