Жанель Мақажанның айтуынша, жұбайы отбасынан кеткен кезде балалардың күтушісі, тамағы, балабақшасы, киім-кешегі мен өзге де шығындарын өз мойнына алатынын айтқан. Бірақ ол сөзінде тұрмаған.

“2-3 ай бұрын қыздардың әкесі кеткен кезде күтушісін, тамағын, балабақшасын, киім-кешегін, жалпы барлық материалдық жағдайын өз мойныма аламын деген. Сол күйі сөз жүзінде қалды. Бірақ қыздарды қаржылай қамтамасыз ету қажет екенін қанша айтқаныммен, сөзім тыңдалмай келеді”, – деп жазды ол.

Сондай-ақ, актриса той, іс-шаралар жүргізгенімен, оны жасырып жүргенін айтты.

“Неше той, іс-шара жүргізіп жатқанын ұзынқұлақтан естіп жатырмыз. Бір-екеуін салып, басым көпшілігін жасырып жүр екен. Маған тіпті фото, видеоларын сыртынан жіберіп жатқан адамдар бар. Сол себепті өзіме мықты адвокат іздеймін”, – деді Жанель Мақажан.

Өнер иесі оқырмандарынан қандай да бір іс-шарада қыздарының әкесін көрген жағдайда фото немесе видео жіберуді өтінді.

“Баланы дүниеге әкеліп, оның барлық жауапкершілігінен қашқан адам адамгершілікпен түсінбесе, онда заң қолдану керек деп ойлаймын”, – деп жазды актриса.