Өнер иесі сөзінше, кей әйелдер коучтардан алған кеңестерге сеніп, отбасы күйреп жатыр. Бұл туралы ол желідегі парақшасында жазды.

“Қолымда билік болса, коучсымақтар мен “данышпансымақтардың” сөзіне сеніп, ажырасып жатқан, сөйтіп бала-шағасын асырай алмай, бақытсыз болып жүрген әйелдердің бала-шағасын асырауды солардың мойнына жүктер едім”, – деп жазды ол.

Ердос Қанаев бұл айтылғандары барлық коучтарға қатысты емес екенін, алайда кейбірінің істеп жүргені дұрыс емес екенін айтты.

“Әйелінен айырылған еркектің ендігі үйленетін тойын, қызға берер қалыңмалын – бәрін солардың мойнына жүктер едім. Бәріне топырақ шашпаймын. Алла және Пайғамбар сызып берген шеңберді бұзу – ауыр іс. Қияметте жауап бересіңдер”, – деп түйіндеді Ердос Қанаев.