Президент Қасым-Жомарт Тоқаев "Жаңа тарихи кезеңдегі Қазақстанның өзекті міндеттері" атты Қазақстан халқына Жолдауында Қазақстанда ең төменгі жалақы 2027 жылғы 1 қаңтардан бастап 110 мың теңгеге дейін көтерілетінін мәлімдеді, деп хабарлайды KYN.KZ ақпарат агенттігі.
"Сондай-ақ біз алғашқы медициналық-санитарлық көмек жүйесін жаңғырту ісіне ерекше мән береміз. Осы тұрғыдан алғанда, жалпы практика дәрігерлерінің өкілеттігін кеңейтіп, бұл жүйені қаржыландыру көлемін кезең-кезеңімен ұлғайту маңызды. Үкіметке келер жылдың 1 қаңтарынан бастап осы бағытта жұмыс істейтін учаскелік қызмет мамандарының жалақысын үздіксіз еңбек өтіліне қарай 40 пайызға дейін арттыруды тапсырамын", - деді Президент.
Мемлекет басшысының айтуынша, бұл 77 мыңнан аса маманның табысын өсіруге мүмкіндік береді. Сонымен қатар Президент жалақының ең төменгі мөлшерін кезең-кезеңімен көбейтіле беретінін айтты.
"Мен Үкіметке ең төменгі жалақы мөлшерін 85 мыңнан 110 мың теңгеге дейін көтеруді тапсырамын. Осы міндет келесі жылдың 1 қаңтарынан бастап іске асырылуға тиіс. Бұл 1,8 миллион адамның, соның ішінде бюджеттен жалақы алатын 370 мыңнан астам қызметкердің табысын арттыруға ықпал етеді", - деді Тоқаев.
Ұқсас жаңалықтар
