Рыбакина Путинцевадан басым түсіп, маусымды әлемдік рейтингтің көшбасшысы ретінде аяқтайтын болды

автор Томирис Тоныкөк
Бүгін, 15:20
25

Жапонияда өткен WTA 500 санатындағы турнирде қазақстандық теннисші Елена Рыбакина отандасы Юлия Путинцеваны жеңді. Сөйтіп спортшы маусым соңына дейін әлемнің бірінші ракеткасы атанатын болды, деп хабарлайды KYN.KZ ақпарат агенттігі.

Матч 1 сағат 11 минутқа созылып, Елена Рыбакина Юлия Путинцеваны 6:2, 6:3 есебімен жеңді.

Кездесуде Рыбакина алты эйс жасап, бір қос қателік жіберді және бес брейк-пойнттың үшеуін пайдаланды. Ал Путинцева бір эйс орындағанымен, өзіне берілген жалғыз брейк-пойнт мүмкіндігін пайдалана алған жоқ.

Айта кетейік, Юлия Путинцева әлемдік рейтингте 67-орында тұр.

Елена Рыбакина ширек финалда чемпиондық атақ үшін жарыс жолын жалғастырады. Оның келесі қарсыласы канадалық теннисші Лейла Фернандес болмақ. Ол бұған дейін бельгиялық Элизе Мертенсті 6:3, 6:2 есебімен жеңген болатын.

Сонымен қатар, Елена Рыбакина Юлия Путинцеваны жеңгенінің арқасында WTA әлемдік рейтингіндегі бірінші орнын маусым соңына дейін сақтап қалды.