Бұл туралы депутаттық сауалға берген жауабында айтты, деп хабарлайды KYN.KZ ақпарат агенттігі.

Олжас Бектеновтің айтуынша, Маңғыстау облысында болған қайғылы оқиғалар әскери оқу-жаттығуларды жоспарлау мен өткізу кезінде жүйелі мәселелер барын көрсетті.

«Қорғаныс министрлігінде жүргізілген кешенді тексеру нәтижесінде оқу-жаттығулардың барысын бақылауды ұйымдастыру, ықтимал тәуекелдерді бағалау және жағдай өзгерген кезде жедел әрекет етуге дайындық мәселелерінде кемшіліктер анықталды», – деді Бектенов.

Оқу-жаттығудың ең қауіпті кезеңдерін уақытында тоқтату туралы шешім кеш қабылданды деп тізбектеді премьер-министр.

Сонымен қатар күштік құрылымдар "Қазгидромет" мекемесімен байланыста жұмыс істеп, ауа райының өзгеруі мен дауылды ескертулер туралы ақпаратты тұрақты түрде алып отырады.

Премьер-министрдің айтуынша, Президенттің тапсырмасымен Әскери реформа жоспарының жобасы әзірленген. Құжатта әскери басқару жүйесін жетілдіру, оқу-жаттығуларды жоспарлау тәртібін біріздендіру және әскери қызметшілердің қауіпсіздігін қатаң сақтау қарастырылған.