Ресейдің Тергеу комитеті үш апалы-сіңлі туған әкесін өлтірген кезде подъездегі бақылау камерасына түсірілген видеоны жариялады. Ролик ведомствоның "Твиттер" парақшасында пайда болған, деп хабарлайды life.ru. "Мәскеулік тергеушілер бақылау камераларындағы видеоны зерттеп жатыр", — делінген хабарламада.

Московские следователи изучают видео с камер наблюдения, установленных в подъезде дома, в котором три сестры убили своего отца pic.twitter.com/yHP8KyrOj2

— Следственный комитет (@sledcom_rf) 3 августа 2018 г.

Кадрларда анық көрінгендей, қыздардың бірі пәтерден шығып, екі қолымен бетін жауып, есік алдында әрлі-берлі жүреді. Содан кейін пәтерге қайта кіріп кеткен. Айта кетсек, 27 шілде күні Мәскеуде 17, 18 және 19 жастағы үш апалы-сіңлі туған әкесін өлтірген. Олар әкесі ұйықтап жатқанда шабуыл жасап, 36 рет пышақ салған көрінеді. Қыздар жантүршігерлік қылмысқа әкесінің өздеріне жасаған айуандығының кесірінен барғанын түсіндіреді. Қазір де апалы-сіңлілер екі айға қамауға алынған.