Жаңалықтар | Күн жаңалықтары - Kyn.kz. Қазақстан және әлем жаңалықтары. Күннің басты жаңалықтары

Байланыс

ШҚО-дағы әйгілі сәулет ескерткіші қирау алдында тұр

ШҚО-дағы әйгілі сәулет ескерткіші қирау алдында тұр
ашық дереккөз
Шығыс Қазақстан облысының Ақкөл ауылында еш шегесіз салынған мешіттің іргетасы опырылып жатыр
ШҚО-ның Ақкөл ауылындағы бір ғасырдан астам тарихы бар сәулет ескерткіші қирау алдында тұр. Оның ерекшелігі, ағаштан салынған ғимаратта бірде-бір шеге қолданылмаған.

Кезінде мешіт болған нысан, біраз жылдан бері апатты жағдайда тұр. Іргетасы опырылып,  ағаш белдіктері әбден шіріп кеткен.

Ақкөл ауылында қазір бірнеше үй ғана қалған. Солардың бірі- Гүлшира әжей. Айтуынша, бүгінде тек мешіт үшін көшпей жүр.

Бұл мешітті осыдан 111 жыл бұрын жергілікті Сұлтан Фазылбеков есімді азамат салған екен. Ғимараттың құрылыс жұмыстарына Башқұртстанның ең мықты деген сәулетшілерін жұмылдырыпты. Ал құрылыс материалдары бүкіл Ертіс жағасындағы елді мекендерден жеткізілген көрінеді. Ғимарат мешіт ретінде 10 жыл ғана пайдаланылған. Кейіннен Кеңес үкіметінің тұсында мұнда бастауыш мектеп болған.

Ауыл белсенділерінің бірі Мәлика Наурызбаеваның айтуынша, бұл ғимаратты қайтадан қалыпқа келтірсе, ауыл да ажарлана түседі.

Биыл жазда бұл ғимаратқа облыстық тарихи-мәдени мұраны қорғау орталығының мамандары да қызығушылық танытыпты. Олар мешітті қалпында сақтап қалуды бұрын да қолға алған екен. Алайда оны облыс орталығына апарып қоймақ болған.

Бірақ бұған жергілікті тұрғындар қарсы болыпты. Енді алдағы уақытта аталған ғимарат Ақкөл ауылының сәніне айналады деген сенім мол.

Бөлісу:
kyn.kz
Автор

kyn.kz

kyn.kz - ақпарат агенттігі

Ұқсас жаңалықтар