Қазіргі таңда Шығыс Қазақстан жерінен бесінші "Алтын адам" табылып отыр. "Бұл – біздің заманымызға дейінгі VIII ғасырға жататын Ерте сақ дәуірінің мұрасы. Есік қорғанынан табылған "Алтын адамнан" да көне. Екеуінің арасында 3 ғасыр айырмашылық бар. Осылайша араға 50 жыл салып қазақ даласынан екінші рет тоналмаған "Алтын адам" табылды", – дейді археолог. Қазба жұмыстарына жетекшілік етіп, құнды жәдігерді тапқан академик Зейнолла Самашевтың айтунша, "Алтын адамың" еш жері бүлінбей, барлық алтындары сол күйінде сақталған көрінеді. Елеке сазында жерленген адамның жасы 16-17 жас мөлшерінде деген болжам бар. Оның қасына ересек адам қойылған екен. Археологтың айтуынша ол қатты тонауға түскен. "Ал бозбаланың мүрдесін тонаушылар байқамаса керек" – дейді ғалым.