Анықталғандай, екі апта бүрын халі нашар науқас Степногор қаласының ауруханасына жеткізілген екен. Қолдан келгеннің бәрін жасаған ақ халаттылар, өкінішке орай, ер адамныің өмірін сақтап қала алмады. Азамат сол күйі жансақтау бөлімінде жан тапсырды. Ал иесін әкеткен жедел жәрдем көлігіне ілесіп, ауруханаға дейін келген төртаяқты содан бері сол жерде.

"Ит ешкімге үрмейді, тиіспейді. Кіріп шыққан адамдардың түріне мұқият қарап қояды. Адамдардан бес метр алшақ жүреді", – дейді Степногор орталық қалалық ауруханасының дәрігері Тимур Әлібаев.

Аурухана қызметкерлерінің айтуынша,  иесінің ішке кіргенін көрген үй жануары оның шығатынын да тағатсыздана күтіп жүр. Ал әзірге оны аурухана маңынан алып кетудің тек бір ғана амалы бар,- дейді "Тазы-төбет-бөрібасар" федерациясының төрағасы Оралбек Қайсанов. .

"Жақсы көретін адамды ит сезіп тұрады. Сондай бір адам барып, қарғыбауын тағып, тамақ беріп ана жерден алып кетсе, ол үйренеді".