Тұрсынбек Қабатовтың жаңа туындыларының бірі "ӘзілMAN"  бағдарламасы. Бірі  әзілкештің бастамасын құптап, тек оң пікірлерін білдіріп жатса, енді бірі жерден алып жерге салуда.  Соңғысының қатарында елімізге танымал журналист Қазыбек Иса да бар. Оның айтуынша, қазіргі телеарналар сайқымазақтардың алаңына айналып барады.

Қазыбек телеарнадан күнде шығатын сайқымазақтардың у-шуларын көріп, шаршап кеткенін жеткізді.

"Әсіресе, «Әзіл MAN» деген аты да, заты да түсініксіз, қай жерінде күлуіңді білмей, кейіпкерлерінен бұрын қиналатын ботқашоуға келгенде, денсаулығымды ойлап, өшіріп тастағанмын, - дейді журналист. Сайқымазақтар саусағын көтерсе, мәз болатын, елің мен жеріңнің, тілің мен діліңнің зарында шаруасы жоқ жастар қаптап келе жатқанын ойлап тіпті, мазам кетті" - деген ол.