20-сынан 21-не қараған түні Астана қаласында жауын-шашын көп мөлшерде жауып, қаланы су басты. Осы орайда, Айқын Төлепберген бас қаланың тұрғындарын мұңаймауға шақырды, деп хабарлайды Kyn.kz ақпарат агенттігі. «Суретте Астанада емеспін. Негізі бас қаламызды су басқаны өкінішті. Бірақ ондай-ондай болып тұрады. Бастысы бәріңіз амансыздар», - дейді әнші. Желі қолданушылары өз кезектерінде Айқынның бұл сөздеріне ашуланып, оның не айтып тұрғанын өзі түсінбейтінін жазды. Естеріңізге сала кетсек, премьер-министр Бақытжан Сағынтаев осы мәселені реттеу үшін Әсет Исекешевке бірқатар тапсырма беріп, бұл жағдайға әкімдікті кінәлаған еді.