Астана полицейлері тұрғын үй кешенінің лифт кабинасында орнатылған мониторды сындырған жігітті тапты. Елордалық жоғарғы оқу орындарының бірінде оқитын 2-курс студенті, 19 жастағы жігітті ұстауға белсенділер көмектескен. Ол мониторды бұзақылық қылықпен бүлдірген. Қазіргі уақытта тергеу шаралары жүріп жатыр. Полициядағылардың сөзіне қарағанда, ол мониторлар қоғамдық қауіпсіздікті қамтамасыз ету мақсатында орнатылады. Мониторда видеобақылау камерасының бар екендігін бұзағы білмеген болып шықты.