Танымал әнші әрі сазгер Ұлықпан Жолдасов тыңдармандарына мына видеодан кейін ұнамай қалды. Онда әнші шешесіне Астанадағы суық туралы асыра айтып, ол кісіні жылатып алады. Арасында өзі күліп алған сазгер анасына "шай ішпедік па?" деп әзілдеп қояды. Өз сөзінде "Жаурайтын болдың-ау" деген ана көзін етегімен сүртіп алады. Бірақ сазгер бұл жайттың барлығын әзіл әңгімеге айналдырып отырады. Видео өте әсерлі. Немерелі болған Жолдасов өз анасының алдында әлі де бала екенін, еркелігі басылмаған, әзілі жарасқан отбасы екенін көрсеткісі келген сияқты. Бірақ желі қолданушылары сазгерді осы қылығына орай сынның астына алған. "Өзім қасымда анам болса жылатып ойнап емес, басыма көтеріп, құшақтап сүйіп, күлдіруге тырысатын едім. Жасыңыз болса елуден асты. анаңызды құшақтап, еміреніп отыратын адамсыз ғой." "Неге сонша анаңызға суықсыз? кластасыңызбен сөйлесіп отырған сияқтысыз. Қанша жұлдыз болсаңыз да осы бір ауызында тісі қалмаған ананың арқасында осылай жүргеніңізді түсінсеңіз қайтеді?" деген сынды пікірлер көптеп жазылды.  

Сазгер əрі əнші Ұлықпан Жолдасов анасымен болған əңгіменің видеосын желіге жүктеп, көпшіліктің жүрегін тебірентті.

Публикация от KYN.KZ (@kyn.kz) 3 Сен 2018 в 2:50 PDT