Желіде тараған видеода Қажымұқан көшесінен жоғары тұстағы Назарбаев даңғылының бөлігін айналып өтпек болған ару көшедегі жолдың жөндеу жұмыстарын істеп жатқан жұмысшымен жаға жыртысқанын көруге болады.

Жұмысшы оның алдына тосқауыл қойып, жолын жаппақ болған. Осыған ашуланып кеткен жүргізуші жұмысшымен ерегісіп, оны итеріп, содан кейін көлігімен газды басып өткен.

Видеоны көрген желі қолданушылары арудың әрекетін әбестік деп таныса, кейбірі керісінше оны жақтап шыққан. Себебі жұмысшы оның алдындағы көлікті жіберіп, қыздың жолын бөгеген екен.