Халық әртісі Роза Рымбаеваның ұлы Әли Оқаповтың жасы бүгінде 27-ге келді. Әші үйленетін жасқа келгенін айтса да, нақты қашан шаңырақ көтеретінін құпия күйінде қалдыруды жөн көрді. “Бәрі менен қашан үйленетінімді сұрайды. Үйдегілер де күтіп жүр. Сүйіктім бар. Бірақ оның қай жақтан екенін, кім екенін қазір айта алмаймын. Уақыты келгенде айтамын. Дәл қазір өсек болып кетуі мүмкін. Тіпті келесіде осы бағдарламаға бірге келуіміз де мүмкін. Уақыты келгенде бәрі белгілі болады”, – деді әнші. Әли осылайша ғашығының кім екенін айтатын уақыт жеткен жоқ деп санайды. Жүргізуші ғашығының өнер әлеміне қатысы бар-жоғын сұрады. Әли Оқапов ол өнер әлемінен де болуы мүмкін деген пікір айтты.