Бүгінгі сот отырысында жауап берген 22 адамның екі ел арасындағы қатынастың қиын екенін, сондай-ақ тұратын жерлерінің болмауынан біраз шығындалып қалғанын айтқан.

"Жәбірленушілердің отбасына әр адам үшін 150 млн.теңгені өндіруді сұраймыз", - деді жәбірленушінің қорғаушысы Ақжан Ақылова.

Сонымен қатар, тұрмыстық қиындықтарға байланысты сот отырысына қатыса алмаған 20 жәбірленуші сенімхат жолдапты.

Қазақстанға жете алмаған жәбірленушілер де қаза болған жақындары үшін әр адам үшін 150 млн.теңге моральдық шығын өндіріп беруді талап етіп отыр.

Оған қоса, қолдарында материалдық шығындарды есептейтін құжаттардың жоқ болғанына байланысты, жәбірленушілер тек моральдық шығындарды өтеп беруін сұрауда.

Естеріңізде болса, қайғылы жағдай 18 қаңтар күні таңда Ақтөбе облысының Ырғыз ауданының аумағында тіркелген болатын. Қоғамдық көлікте 52 өзбек азаматы жанып кетті.