Жұлдыз барша қазақтың келіндері ұқсап күз маусымында банка жабуға кіріскен. Өнер иесі үш күн ішінде салаттың түр-түрін әрі тұздалған қиярдың он шақты банкасын жауып үлгеріпті. “Қарапайым үй шаруасындағы әйелдің суреті. Үш күн еңбектендім, есесіне қысқа дайынбыз. Дүкендікін ұнатпаймын”, – дейді Жұлдыз. https://www.instagram.com/p/BohD7YUBuuy/?utm_source=ig_web_copy_link Желі қолданушылары Жұлдызды жаңа қырынан танығандарын айтып, оның ісіне тәнті болды. “Өзіміз сияқты қарапайым қыз екен”, “Осындай фотоларды жиі салып тұрсаңшы, көрдің бе, халық сені қалай жақсы көріп қалды”, – деп тамсанды оқырмандар. Ал Жұлдыздың өзі болса, жылы лебіз білдіргендерге алғыс айтып, алдағы уақытта сахнадан тыс өмірін көрсетуге уәде берді. Айтпақшы, сөз арасында Жұлдыз ата-енесінен бөлек тұратынын айтып қалды.