Мәдина Төлепова жары Артурмен қалай танысқанын айтып берді. “2017 жыл, Алматы қаласы. Әсем қаламыздың тойxаналарының бірінде, жұмыс істеп жүрген кезім. Өзімше администратор деген атым бар. Шілденің 1-і кезекті той өтуде. Ары-бері үлгере алмай жүрсем, Артур жаныма келіп, шәй болады ма деді. Негізі даяршының баратын орны ғой. Өзім шауып кеттім. “Иә, болады” деп. Бір шәйнек шәй алып келдім, сол кезде 5 минуттай сөйлесіп қалдық. Содан басталды таныстық”, – дейді Мәдина Төлепова. Қос ғашық бір-бірін бір көргеннен ұнатқан ұқсайды. Төлепов көзі түскен арумен танысудың жолын тапса, қарағандылық ару да кетәрі еместігін білдірген. Кейін арада небәрі 4 ай өткен соң Артур Мәдинаға дүйім жұрттың көзінше сезімін білдірді. Ол інісі Асылханның тойында сүйген қызына ұсыныс жасады. Ал қос ғашық биылғы жылдың маусым айында шаңырақ көтерді.