Қаржы пирамидасының құрбандары танымал әншіден ақшаларын қайтара алмай жатқандарын желіде жарыса жазып жатыр. Елордалық полиция департаментінің мәліметінше, әртіс осы жазда "Ақжайнақ" қаржы ұйымын құрған. Әнші әйел 20 мың теңгеден жинап, соңынан екі адам ертіп әкелген қазақстандықтарға ақшаны екі есе етіп қайтаруға уәде берген. Халықтың әлеуметтік осал топтары алаяқтықтың құрбаны болған. Қазір Қылмыстық кодекстің 190-бабы (Алаяқтық) бойынша алдын ала тергеу жүргізілуде. Полицейлер әртістің алаяқтық әрекетінің құрбаны болғандарды құқық қорғау органдарына хабарласуды сұрайды. Тәртіп сақшылары қырағылық танытып, күмәнді ұйымдарға сенбеуге кеңес береді.