Минскіде  өтетін Балалар Еуровидениесінде Қазақстан атынан өнер көрсететін Данэлия Төлешоваға онлайн дауыс беру жалғасуда, деп хабарлайды KYN.KZ. Байқау сайтында кез келген қазақстандық азамат өзіне ұнаған 5 қатысушыға, соның ішінде отандасымыз Данэлия Төлешоваға дауыс бере алады. Дауыс беру 25 қарашада жабылып, финалдық концерттен кейін тағы 15 минутқа ашық болады. Байқаудың ақтық кезеңінің тікелей көрсетілімін 25 қараша күні сағат 21:00-де «Хабар 24» телеарнасынан тамашалауға болады. Ал 23 қарашадан бастап сайтта берілген барлық дауыс есептеліп, ұпайға өзгертіледі. Көрермендердің онлайн дауыс беруі барысында жиналған барлық ұпай - қатысушыны бағалаудың жартысы ғана, қалғаны қазылар алқасының берген ұпай санымен қосылып бағаланады.