Танымал ақын Ринат Зайытов  айтыстан жер мәселесі мен тіл мәселесіне тыйым салған кездерде бас тартқанын ашық айтты. Оның сөзінше өзі алғашында осылай бас тартқаннан кейін бірнеше жылдай айтысқа шақыратындар да азайған. Авторлық құқыққа шығармаларын тіркеген ақын екі-үш айда  400-600 мың аралығында айлық алып тұрады екен. Заитов тоқал алатын азаматтарды қолдайтынын, өзі алайын десе материалдық жағдай көтермейтінін жайып салды. "Мен қолдаймын тоқал алатындарды. Тоқал алуға болады, оның өз жауапкершілігі бар. Мысалы, мендегі жалғыз кедергі ақшам жоқ. Тоқал алғаннан кейін ертең өліп қалсам да олар менсіз жақсы өмірі сүретіндей байлық қалдыруым керек",-дейді ақын.