Отандық шоу-бизнес жұлдызы өзімен "Арнау" дуэтінде өнер көрсеткен бұрынғы әріптесі әрі сүйіктісі болған әншінің сахнаға оралғанына еш таңғалмаған. Тіпті осылай боларын білгенін айтуда, деп жазды KYN.KZ.

"Жанардың сахнаға оралғанын естіп те, көріп те жатырмын. Өте қуаныштымын. Мен ол кісінің оралатынын білгенмін . Ешқандай таңғалыс болған жоқ" , - деді Керменбаев.

Ел арасындағы қауесеттерге нүкте қоймақ болған Нұржан, Хамитовамен дуэт жазуға қатысты пікірін де жеткізді.

"Халық оны дұрыс түсінбей қалады. Жанармен мен қайтып дуэт жазбаймын. Ол мүмкін емес" , - деді ол.

Керменбаев Жанар Хамитовамен достық қарым-қатынас сақтап қала алмағанын да жеткізді."Қазіргі таңда, біз доспыз деп айта алмаймын. Ол кісінің не айтып жүргенін білмеймін. Өйткені, ақиқат айдан анық көрініп тұрады. Қазіргі таңда, ол кісімен мені байланыстыратын ортақ ісіміз жоқ. Сол себепті де оған арналған бағдарламаға қатысудан бас тарттым. Ол қандай ақпарат таратады өзі біледі",- деді  Нұржан Керменбаев.