Алматы полициясы ақын Ринат Заитовты не себепті ұстағанын түсіндірді, деп жазды KYN.KZ. "Алматы қаласында ұйымдастырылған рұқсат етілмеген митингке шыққандар арасында ақын Ринат Заитов та болды. Шеру кеше түс ауа Алматыдағы Алатау ауданында болған. Заитовпен құқығын түсіндіру бойынша жұмыстар жүргізіліп болғаннан кейін ол үйіне жіберілді., - делінген Алматы қаласы бойынша полиция басқармасының БАҚ өкілдеріне жолданған хатында. Кейіннен Ринатпен көрісуді қалаған халық полиция бөлімшесіне барған. Бірақ ол кезде Ринат үйінде еді. Кейіннен мыңдаған адам тарамай қойғандықтан Ринат алаңға барып, олардан үйлеріне тарауды сұраған еді.