Жалаңаштанып сәукеле киген қазақстандық боксшы Ангелина Лукас Алматыда қаласында өткен бокста қарсыласын уақытынан бұрын ойсырата жеңіп, UBO World белбеуін қанжығасына байлады, деп хабарлайды KYN.KZ сайты. Боксшының face-to-face рәсіміне киіп келген киімі халықтың біраз ашуына тиген еді. Оның жалаңаштанып, басына сәукеле, беліне этникалық үлгідегі белдемше байлап келіп, елдің ызасына тиіп, сынның астына қалды. Әлеуметтік желідегілер де оның бұлай рингке шығуын қолдамай түрлі ой-пікірлерін ортаға салды. Кейбіріне Лукастың киімі ұнаса, енді бірі сынға алды. Тіпті оған осы образды ұсынған белгілі дизайнер Аида Кауменовадан жауап беруін талап етті.